Biznesi, propozime për rimëkëmbjen – Jaka: Fond garancie 500 milionë euro, të hapet bursa

Ndërsa qeveria është gati të dalë me një plan për rimëkëmbjen e ekonomisë, bizneset kanë hartuar një platformë me propozime konkrete se ku duhet të fokusohen masat me qëllim që të reduktohen pasojat e lëna nga COVID-19. Kreu i Dhomës së Tregtisë dhe Industrisë Tiranë, Nikolin Jaka  propozon vënien në dispozicion të një fondi garancie, zhvillimin e tregjeve të kapitalit, hapjen e bursës si dhe një amnisti fiskale gjithëpërfshirëse.

Lidhur me propozimin e qeverisë për heqjen e tatim-fitimit për bizneset me xhiro 0-14 milionë lekë si dhe diskutimet për heqjen e TVSH-së, Jaka thekson se do të kenë ndikim pozitiv direkt tek bizneset.

Jaka ndër të tjera kërkoi një protokoll të unifikuar për bizneset në kushtet kur duhet të zbatojnë masat anti-covid, në mënyrë që sipërmarrja të mos rëndohet nga kostot, ose ato të merren përsipër nga qeveria.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.