Borxhi ndaj bizneseve – Tatimet, vetëm në tre muaj 3.9 milionë lekë detyrime

Numri i bizneseve që nuk paguajnë detyrimet tatimore, gjatë këtij viti ka ardhur në rënie. Sipas të dhënave më të fundit të publikuara nga Drejtoria e Përgjithshme e Tatimeve, ku shihet qartë se numri i bizneseve që nuk kanë paguar detyrimet nga fund i vitit të kaluar deri në muajin qershor, kur është dhe përditësimi i fundit nga kjo administratë, janë ulur me numër të konsiderueshëm biznesesh.

Por nuk është e njëjta situatë për administratën tatimore, e cila ka rritur vlerën e  detyrimeve të akumuluara. Kështu, sipas raportit më të fundit të Ministrisë së Financave mbi krijimin rishtas të detyrimeve të prapambetura rezulton se vetëm për periudhën Maj-Korrik të këtij viti nga administrata tatimore janë rreth 3.9 milionë lekë. Po sipas të njëjtit burim, vlera totale që Drejtoria e Përgjithshme e Tatimeve ka akumuluar si detyrime të pa shlyera arrin në shifrën e 33.8 milionë lekë.

Administrata tatimore përditëson “listën e zezë”, të atyre bizneseve që kanë detyrime pranë këtij institucioni, por nuk bën me dije sipërmarrjet të cilave iu është borxhlie.  Normalisht vlerën më të madhe si dhe problematika e trashëguar në vite është ajo e rimbursimit të TVSH.

Për këtë në jo pak raste sipërmarrja është ankuar duke e  bërë publike si dhe objekt të  tryezave të ndryshme.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.