Certifikata e rezidencës tatimore – DPT: Tashmë mund të aplikoni online për ta përfituar

Drejtoria e Përgjithshme e Tatimeve bëri me dije se “Certifikata e Rezidencës Tatimore”, tashmë mund të merret online përmes platformës elektronike e-Albania, në çdo kohë dhe pa asnjë kosto.

Sipas DPT, “Certifikata e Rezidencës Tatimore”, ofron dokumentin me vlerë ligjore, i cili vërteton pagesën e tatimeve për të ardhurat globale në Shqipëri, nga ana e subjektit kërkues.

Sipas njoftimit, kjo Certifikatë me vulë dixhitale, njihet nga të gjitha shtetet me të cilat Shqipëria ka Marrëveshje për shmangien e taksimit të dyfishtë dhe parandalimin e Evazionit Fiskal”.

Në kuadër të reformës së Derregulimit, si një nga nismat më të rëndësishme të Qeverisë Shqiptare, Drejtoria e Përgjithshme e Tatimeve ka shtuar këtë shërbim të ri online për tatimpaguesit në mënyrë që të lehtësojë dhe modernizojë shërbimet publike.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.