Covid-19, masa shtrënguese shtesë? – Rakacolli: Ecuria e të prekurve gjatë kësaj jave është vendimtare, zbatoni rregullat

Ecuria e epidemisë COVID-19, gjatë kësaj javë, do të jetë vendimtare për të përcaktuar nëse Komiteti Teknik i Ekspertëve do të marrë masa shtrënguese shtesë apo nëse do të vijohet me të njëjtat masa që janë në fuqi aktualisht. Deklarata u bë nga kryetarja e Komitetit Teknik të Ekspertëve, Mira Rakacolli, gjatë një daljeje për mediat mbi ecurinë e epidemisë në vend.

Ndërkaq, Rakacolli apeloi të gjithë qytetarët që zbatojnë masat e vendosura aktualisht, në mënyrë që të mos ndërmerren masa të tjera shtesë.

Rakacolli ripërsëriti faktin se vaksina do ta merret në të njëjtën kohë, që do e marrin edhe shtetet e tjera pjesëmarrëse në aleancën COVAX, teksa nuk dha detaje mbi ecurinë e bisedimeve të kryeministrit Edi Rama në Shtetet e Bashkuara të Amerikës.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.