Debatet për Bonot e Privatizimit – Opozita: Bëni transparencë mbi listën e pronave shtetërore të disponueshme

Shtyrja e tetë e afatit të vlefshmërisë së Bonove të Privatizimit ka shkaktuar debate mes palëve politike në Komisionin Parlamentar të Ekonomisë. Deputetët e opozitës kërkuan informacion mbi objektet shtetërore dhe kompanitë qe mund të privatizohen përmes tyre, ndërkohë që shprehën nota të forta kritike lidhur me përdorimin e tyre për legalizimin e objekteve informale.

Zëvendësministristri i Financave Besart Kadia tha se aktualisht janë në qarkullim një sasi bonosh privatizimi me vlerë prej rreth 370 milionë dollarësh. Ai përmendi dhe arsyet e shtyrjes së afatit të vlefshmërisë së tyre, si dhe mënyrat përmes të cilave qytetarët mund të përfitojnë prej tyre.

Nga viti 1995, shteti shqiptar ka emetuar një sasi prej 72.2 miliardë lekësh në formën e bonove të Privatizimit, ndërkohë që dy vitet e fundit janë përdorur rreth 7.2 miliardë lekë, apo afërisht rreth 72 milionë dollarë.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.