DPSHTRR rinis shërbimin teknik të mjeteve rrugore – Përcaktohet kategoria e parë që do të kryej kontrollin teknik
Nëpërmjet një njoftimi në faqen zyrtare Drejtoria e Përgjithshme e Shërbimit të Transportit Rrugor ka bërë me dije se ka rinisur shërbimi teknik i mjeteve rrugore.
Nga 31 maji të parët që nisin shërbimin janë kamionët, rimorkiot dhe tërheqësit të cilëve iu la skaduar certifikata e mëparshme e kontrollit teknik e lëshuar nga SGS dhe të gjitha mjetet në pronësi të institucioneve shtetërore.
DPSHTRR njofton se të gjitha mjetet, pavarësisht nëse preken apo jo nga ndryshimet e shërbimit të kontrollit teknik duhet të vijojnë të paguajnë rregullisht taksat vjetore të mjeteve në afatet ekzistuese, pranë drejtorive rajonale e nënzyrave të DPSHTRR ose online përmes e-Albania.
Referuar njoftimit, asnjë tarifë ekzistuese nuk ndryshon ose nuk rritet! Autovetura e motomjete të reja (0 km) nuk kolaudohen 3 vitet e para! (çdo mjet tjetër i ri nuk kolaudohet vitin e parë)
Mjetet me km, autovetura e motomjete kolaudohen çdo 2 vjet!
Taksi, Autoshkolla, mjete transporti udhëtarësh (Autobus), mjete transporti special, Ambulanca dhe mjete transporti mallrash kolaudohen çdo 1 vit!
Afatet e reja do ti njihen çdo mjeti me certifikatë kolaudimi që ka datë skadence pas datës 23.12.2020! (Mjetet e regjistruara për herë të parë të reja do të përfitojnë gjithashtu periudhën përkatëse pa detyrim kolaudimi)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.