Facebook mohon ‘’akuzën’’ e mbledhjes së të dhënave  thirrjeve dhe sms-ve pa lejen e përdoruesve

Pas një raporti të ARS Technica që tregonte se Facebook fshehurazi ruan të dhënat e thirrjeve dhe mesazheve nga telefonat Android dhe se e ka bërë këtë për vite me radhë Facebook është përgjigjur dhe ka thënë se e bën këtë vetëm për përdoruesit që kanë dhënë leje.

Deklarata publike e Facebook, e postuar në faqen e saj të shtypit vjen disa ditë pasi ka nxjerrë reklama të plota për të kërkuar falje për keqpërdorim të të dhënave nga aplikacionet e palëve të treta pasi ajo po përballet me pasojat e skandalit Cambridge Analytica.

Në reklamë, themeluesi dhe shefi ekzekutiv Mark Zuckerberg shkroi “Ne kemi një përgjegjësi për të mbrojtur informacionin tuaj. Nëse nuk mundemi, nuk e meritojmë “.

Në deklaratën e tij, Facebook tha se “Importuesit e kontaktit janë mjaft të zakonshëm në mesin e aplikacioneve dhe shërbimeve sociale si një mënyrë për të gjetur më lehtë njerëzit me të cilët doni të lidheni. Kjo u prezantua për herë të parë në Messenger në 2015, dhe më pas u ofrua si opsion në Facebook Lite, një version i lehtë i Facebook për Android “.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.