Festat, Rendi shërbim të përforcuar – Dervishaj: Vëmendje shtesë fluksit të shtuar të njerëzve, elementeve kriminalë e pronës

Për gjithë periudhën e festave të fundvitit Policia e Shtetit do të aplikojë masa shtesë si dhe kalimin e të gjithë strukturave në gatishmëri “Shërbim të përforcuar”. Drejtori i Drejtorisë së Rendit Publik Albert Dervishaj, tha në një deklaratë për mediat,  se ato do të shtrihen nga parandalimi i risqeve që vjen nga rritja e numrit të qytetarëve që kthehen në vend për festat,  mbajtja nën kontroll e personave me precedent kriminal dhe penal, Monitorimi i qarkullimit të automjeteve, te krijimi i lehtësirave ligjore në pikat e kalimit të kontrollit kufitar.

Dervishaj theksoi se masat shtesë do aplikohen edhe mbi bankat, pikat e këmbimit valutor e subjekteve që transportojnë vlera monetare, por edhe te rreziku që rishfaqet ccdo pragfestash, ai i viktimave nga fishekzjarret.

Drejtoria e Vendore e Policisë Durrës, Tiranë e Lezhë kanë marrë masa ekstra në drejtim të ruajtjes së pronës, sidomos në ato zona që u goditën nga tërmeti me qëllim parandalimin e vjedhjes së pronës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.