FOTOT/”Lotus”, kulla më e lartë e transmetimit TV&Radio do të përfundojë në Maj

Kulla e Lotusit, e cila do të jetë një kullë transmetimi për disa stacione televizive dhe FM në Sri Lanka, është e vendosur të bëhet ndërtesa më e lartë në Azinë Jugore. Ndërtimi i saj do të përfundojë në muajin Maj të këtij viti, shkruan “People’s Daily”.

Projekti për “Kullën e Lotusit” financohet nga qeveria kineze, ndërsa ndërtimi i saj pre 350 metra ka filluar punën që në vitin 2012. Ajo është e vendosur në Colombo, dhe është bërë tashmë një pikë referimi vendase, edhe pse është ende në ndërtim e sipër.

Pjesa kryesore e ndërtesës është përfunduar, dhe brendësia është duke u zbukuruar. Punëtorët po krijojnë petalet e lotusit në një platformë 245 metra të lartë, ku publiku mund të marrë një pamje 360 ​​gradësh të qytetit.

Sipas Gao Jun, nënkryetare e projektit në Kinë ajo është duke u ndërtuar në standardet kineze të ndërtimit.

Banka e Eksport-Importit të Kinës ka siguruar kredi komerciale prej rreth 104.3 milionë dollarë amerikanë për “Kullën Lotus”. Projekti u hartua nga Instituti i Kinës për Projektimin e Radios, Filmit dhe Televizionit dhe është duke u ndërtuar nga CEIEC.

Kulla e Lotusit do të jetë 350 metra e gjatë me një sipërfaqe ndërtimi prej 27.000 metra katrorë.

Kulla do të shërbejë në një qendër të plotë argëtimi, duke përfshirë transmetime, televizion, satelit, argëtim, tregti, shfaqje ekspozuese, konferenca, evente, etj.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.