Gripi i shpendëve në Shqipëri!? Reagon Ministria e Bujqësisë: Nuk ka asnjë rast zyrtar! Ka raste të dyshuara por të lokalizuara në 2-3 stabilimente

Ministria e Bujqësisë ka reaguar në lidhje me gripin e shpendëve, duke bërë me dije se deri më tani nuk rregjistrohet asnjë rast i pranisë së tij edhe pse janë disa raste te dyshuara por te lokalizuara

Sipas Agjencisë Kombëtare të Veterinarisë dhe Mbrojtjes së Bimëve, është kryer analizimi i mbi 60 kampioneve prej të cilave është arritur në përfundimin se nuk ka asnjë rrezik për konsumatorin.
“Rezultatet e analizimit në laboratorin e referencës konfirmojnë se nuk ka sëmundje që rrezikojnë konsumatorin apo produktet ushqimore me origjinë nga shpendët.”, thuhet në njoftim.

Sipas ministrisë, rastet e dyshuara jane te lokalizuara ne vetem 2-3 stabilimente ne nje zone te vetme.

Ndër të tjera Ministria e Bujqësisë ka njoftuar se do jetë në monitorim të vazhdueshëm të situatës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.