Hapja e negociatave – Ruçi merr mbështetjen e Greqisë, Bullgarisë dhe Rumanisë

Gjatë konferencës së kryetarëve të parlamenteve të Detit të Zi, Shqipëria ka marrë mbështetjen e tyre për integrimin europian. Kështu Greqia, Bullgaria dhe Rumania kanë premtuar se do të jenë pro hapjes së negociatave për Shqipërinë në qershor. Kryetari i Kuvendit Gramoz Ruçi ka kërkuar nga venet fqinje që të mbështesin Shqipërinë në hapjen e negociatave.

Përfaqësuesit e shteteve si Greqia, Bullgaria dhe Rumania dhanë mbështetjen e tyre për hapjen e negociatave. Sipas tyre kjo mbështetje është e merituar për Shqipërinë. Ndër të tjera Presidenca Bullgare do të bëjë një paraqitje mjaft pozitive të arritjeve të Shqipërisë në plotësimin e kritereve të integrimit. Sipas Ruçit mozaiku i kulturave dhe vlerave që promovojnë vendet e rajonit të Detit te Zi duhet të mbështetet në ekonomi të forta, zhvillim të qëndrueshëm dhe sisteme solidare, për jetën dhe mirëqenien e qytetarëve.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.