Hipoteka e Vlorës në rikonstruksion! Hapet tenderi 105 milionë lekë
Drejtoria e Përgjithshme e Agjencisë Shtetërore e Kadastrës ka shpallur tenderin për rikonstruksionin e godinës së ASHK-së Vlorë. Fondi limit është 105 milionë e 351 mijë lekë ndërsa data e dorëzimit të ofertave është 25 shkurt 2022.
Ndërtesa ku do të zhvillohet projekti është një objekt 3 katësh në formë lineare, i ndodhur në rrugën ‘7 Nëntori’. Funksioni i mëparshëm ka qenë Shtëpia e Oficerëve pra, hoteleri. Me vendim të Këshillit të Ministrave ka kaluar nga Ministria e Mbrojtjes në administrim të Agjencisë Shtetërore të Kadastrës. Agjencia Shtetërore e Kadastrës (ASHK), institucion që është formuar së fundmi nga bashkimi i dy institucioneve, të Zyrës së Regjistrimit të Pasurive të Paluajtshme (ZQRPP) dhe Agjencisë së Legalizimit Urbanizimit Integrimit të Zonave/Ndërtimeve Informale (ALUIZNI).
Objekti ekzistues është komplet i pajetueshëm dhe mungojnë dritaret e dyert. Ka dëmtime të rënda strukturore dhe ndërtimore. Suvatë janë të degraduara n ë masën 80%. Pllakat dhe shtresat po ashtu janë të dëmtuara në pjesën dërrmuese të ndërteses. Shtresat e taracës janë të degraduara dhe nuk e kryejnë më izolimin e taracës.
Ndërtesa është një ndërtim i viteve ‘60-’70.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.