“I pazakonti” – Kur një biznes i suksesshëm nis me 200 lekëshin e fundit!
Emisioni “I pazakonti” nga gazetarja Jenida Vladi rrëfeu këtë të shtunë mbrëma zanafillën e “sallonit të futbollistëve” në Tiranë. Ingrid Balliu ishte personazhi i këtij episodi. Një 27 vjeçar i lindur dhe i rritur në një fshat të Dibrës. ”Lufta” për të gjetur veten dhe tentativa për një jetë më të mirë përtej kufijve, “e përplasën” Ingridin nëpër shumë shtigje, derisa vendosi të vijë në Tiranë, duke hapur fillimisht një sallon pa shumë kushte apo të ardhura.
“Një natë përpara se të hap punën më rastisi që mungonte një dritë te salloni, edhe shoh që në xhep kisha 200 lekëshin e fundit. Kisha dy opsione, ose të merrja diçka për të ngrënë ose të blija një llambë” thotë Ingridi për “I pazakonti”.
Sot, Ingridi është një nga stilistët e flokëve që eksperimenton me modele të pazakonta flokësh dhe klientët e tij janë personazhe të famshëm, kryesisht futbollistë.
“I pazakonti” mund ta ndiqni çdo të shtunë, ora 20:00 në SCAN. Emisionin e plotë e gjeni në linkun më poshtë:
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.