Investimi në Unazën Bujqësore të Myzeqesë, në ndihmë të 15 mijë fermerëve – Si po avancojnë punimet

Unaza Bujqësore e Myzeqesë është në rikonstruktim që prej thuajse një viti. Fermerët e zonës, rreth 15 mijë të cilët merren kryesisht me kultivim perimesh dhe zarzavatesh, do ta kenë më të lehtë të transportojnë produktet në tregun e Lushnjës.

Rreth 45 % e rikonstruktimeve ka përfunduar dhe ndërkohë po punohet dhe në zonat e banuara, kanalet anësore, trotuaret dhe hyrje daljet e banorëve.

Kjo unazë, lidh  zonën jugore të Lushnjës me autostradën Lushnje – Berat dhe me tregjet e Divjakës e Lushnjës.

Brenda vitit synohet të mbarojë puna për segmentin “Imësht-Ngurrëz e Madhe” dhe pas 18 muajsh edhe segmenti Fier i Ri-Kashtëbardhë.

Segmente të tjera që do t’i nënshtrohen rikonstruksionit janë “Savër-Kadiaj”, “Qerret i Vjetër-Kadiaj”, Fshati Qerret dhe “Qerret-Qerret i Vjetër”.

Jenida Vladi/ SCAN

Lexo edhe: 

Unaza Bujqësore e Myzeqesë – FSHZH: Fillon në vjeshtë puna për rikonstruksionin e saj

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.