Kalim i kufirit në mënyrë të paligjshme – Policia arreston 7 persona në Durrës dhe Shkodër

Policia e shtetit ka finalizuar dy operacione përkatësisht në Durrës dhe Shkodër.

Sipas njoftimit të policisë  1 shtetas turk, ka tentuar të kalojë kufirin në mënyrë të paligjshme në portin e Durrësit duke përdorur dokumente të falsifikuara.

Specialistët kundër Krimit Ekonomik dhe Financiar në D.V.P Durrës, kanë kapur në flagrancë shtetasin R. B., 25 vjeç, banues në Turqi.

Materialet i kaluan Prokurorisë së Rrethit Gjyqësor Durrës, për veprat penale “Falsifikim i letërnjoftimeve, i pasaportave ose i vizave” dhe “Falsifikimi i vulave, stampave ose i formularëve”.

Rasti i dytë është Operacioni policor “Golemi”, i zhvilluar nga strukturat e Drejtorisë Vendore të Policisë Shkodër ku policia ka vënë në pranga dy shtetas, të cilët transportonin 4 shtetas nga vendet e Lindjes së Mesme.

Si rezultat i operacionit, u bë arrestimi në flagrancë i shtetasve:
• G. N., 41 vjeç, banues në fshatin Boriç i Madh, Malësi e Madhe.
• V. Y., 53 vjeçe, banuese në Shkodër.

• 4 shtetas me shtetësi dhe kombësi marokene, të cilët kishin destinacion Malin e Zi, e më pas vendet e BE-së.

Nga veprimet e para hetimore rezulton se këta shtetas, në bashkëpunim me njëri-tjetrin siguronin shtetas të vendeve të treta, i strehonin në banesa të ndryshme e më pas i transportonin për në Mal të Zi, kundrejt pagesës.

Materialet i kaluan Prokurorisë pranë Gjykatës së Shkallës së Parë Shkodër, për veprën penale ‘’Dhënie ndihme për kalim të paligjshëm të kufirit’’ në bashkëpunim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.