Kapen punonjës informalë – Kukësi më problematiku, Gjirokastra qytet “shembullor”

Kukësi ka rezultuar si qyteti më problematik në 8 muajt e parë të vitit, sa i përket punësimit informal në biznese. Referuar të dhënave zyrtare në Inspektoriati Shtetëror i Punës, të siguruara nga TV SCAN, rezulton se janë marrë 241 masa “pezullim” nga ky institucion dhe 98 për qind kanë të bëjnë me punonjësit e padeklaruar.

Pas Kukësit, renditet qarku Dibër, Shkodër, Korçë, Elbasan, ndërsa qarku më shembullor, ku nuk janë gjetur punonjës informalë, rezulton Gjirokastra. Ndërsa referuar aktiovitetit ekonomik, jo masë është aplikuar më së shumti në tregti, hotel-bar-restorante,  e ndjekur nga ndërmarrjet prodhuese, ndërtim, etj.

Në 8 muaj, në total janë evidentuar 515 punonjës informal, ku 37 për qind janë punëmarrëse femra.  Në të gjithë vendin janë inspektuar rreth 19 mijë vende pune dhe 688 subjekte private dhe shtetërore.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.