Kërkime dhe studime për COVID-19 në Shqipëri/ Këshilli i Ministrave, fond shtesë për Akademinë e Shkencave
Këshilli i Ministrave ka miratuar një vendim për shtim fondesh për Akademinë e Shkencave. Vendimi përcakton se Akademisë së Shkencave, në buxhetin e miratuar për vitin 2020, i shtohet fondi prej 4 milionë e 600 mijë lekësh në zërin “Shpenzime korrente”, për mbulimin e shpenzimeve për projektet studimore dhe kërkimore lidhur me COVID-19.
“Efekti financiar prej 4 600 000 (katër milionë e gjashtëqind mijë) lekësh përballohet nga fondi rezervë i buxhetit të shtetit, miratuar për vitin 2020” përcaktohet në vendim.
Ministria e Financave dhe Ekonomisë dhe Akademia e Shkencave ngarkohen për zbatimin e këtij vendimi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.