Kolonja, tender për Terminal të ri Autobuzësh e rikualifikim të zonës së paurbanizuar të qytetit

Bashkia e Kolonjës ka hapur tenderin për Shërbim Mbikëqyrje Punimesh për objektin:”Rikualifikimi i Rrugës Pali Prifti,Qyteti Ersekë ,Bashkia Kolonjë.

Fondi limit është 739 mijë lekë dhe afati për dorëzimin e ofertave është 12 prill.

Bashkia Kolonjë me fondet e vëna në dispozicion për vitin 2021 nga buxheti i bashkisë transferta e pakushtëzuar dhe të ardhurat e vitit 2021, kërkon të realizojë projekt zbatimet për disa segmente rrugore të qytetit të Ersekës.

Këto projekte do t’u paraqiten për financim institucioneve të ndryshme të Shtetit Shqiptar si Fondit Shqiptar të Zhvillimit, Ministrisë së Financave dhe Ekonomise apo dhe do të shikohet mundësia për financim me buxhetin e vetë Bashkisë Kolonjë. Segmentet e përcaktuara nga Drejtoria e Planifikimit, Kontrollit e Zhvillimit të Territorit  Bashkia Kolonjë si prioritare për hartimin e projekt zbatimit janë:

1.Ndërtimi i Segmentit Rrugor Terminali i Ri i Autobusave – Pallati i Kulturës

2.Rikualifikim Urban i Blloku që kufizohet nga Rruget: Rropi Stillo Gostivishti – Unaza Ersekë – Parro Kita.

Rikualifikim urban i bllokut të mësipërm përfshin rikostruksionet e rreth 10 akseve rrugore të bllokut me një gjatësi prej rreth 1100 ml, të shtrira në një zone informale të pa urbanizuar.

Ky segment fillon në pjesën veriore të Qytetit të Ersekës në zonën që gjendet midis unazës së qytetit dhe terreneve sportive të shkollës 9 – vjeçare me gjatësi rreth 450 ml. Në këtë zonë është  menduar nga Bashkia Kolonje të ndërtohet Terminali i ri i Autobusave dhe ky segment rrugor do të shërbejë për lidhjen e natyrshme të terminalit dhe unazës së qytetit me qendrën e tij tashmë të rikonstruktuar, pjesë e programit kombëtar të Rilindjes Urbane.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.