”Lamborghini” zbulon pamje nga makina më e re, që pritet të zbulohet gjatë ‘’Auto Show 2019’’ në Frankfurt.
Lamborghini ka zbuluar disa pamje sesi do të duket modeli më i ri i automjetit, i cili është planifikuar të prezantohet gjatë ‘’Auto Show 2019’’ në Frankfurt.
Pamjet e postuara në kanalin zyrtar të kompanisë në Instagram, bëjnë akoma më ngacmues imagjinatën e gjithë atyre personave të apasionuar pas makinave të Lamborghini.
“Diçka e re po vjen! Thjesht hapni sytë nga e ardhmja“, shkruhet poshtë imazhit të publikuar nga vetë kompania e Lamborghini, në Instagram.
Imazhi i zezë, në foto duket sikur paraqet pjesën e përparme të një super makine të ulët, të veshur me drita drejtimi LED në formë Y. Logoja e kompanisë është i vetmi detaj tjetër i dukshëm. Por gjithashtu nuk duhet përjashtuar mundësia që makina të jetë disi e lidhur me interesin e Lamborghini për kategorinë e re të makinave të krijuara për Kampionatin Botëror të Qëndrueshmërisë.
Në të vërtetë të gjitha spekulimet, rreth modelit të ardhshëm të Lamborghini do të përfundojnë kur të bëjë debutimin e tij në Frankfurt.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.