Linja e re Vlorë-Brindisi – Balluku: Trageti “PRINCE” nis udhëtimet më 23 nëntor (FOTOT)

Ministria e Infrastrukturës dhe Energjetikës ka njoftuar në faqen zyrtare se që prej 23 nëntorit qytetarët do të mund të udhëtojnë nga Vlora drejt Brindizit, me tragetin e ri “PRINCE”.

Sipas publikimit ky traget trageti është 152 metra i gjatë, ka 150 dhoma me kushte shumë të mira, 2 restorante, 1 piano bar, 1 bar-kafe, ambiente për fëmijë dhe një kapacitet prej 1000 pasagjerësh, 300 automjetesh dhe 30 kamionë.

Gjithashtu shpejtësia me të cilën ai lundron është 17 nyje në orë dhe udhëtimi  do të zgjasë 4 orë, shkruhet në njoftim.

Ministria bën me dije se më këtë linjë të re trageti parashikohet që qytetarët të përfitojnë çmime më ekonomike, deri në 30% me lirë, krahasuar me çmimet e deri tanishme.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.