Mbi 10 mijë bizneseve u ‘skadon’ afati për pagat – Pas 20 Janarit, tatimet nisin kontrollet e thelluara për evazion
Afro 10.500 bizneseve nga data 20 Janar u “skadon” afati i vendosur nga administrata tatimore për të deklaruar pagat reale të punonjësve të tyre. Pas dërgimit të letrave të personalizuara tek këto subjekte, tatimet presin që dorëzimi i listëpagesave të këtij muaji, të jetë i shoqëruar me korrigjimet përkatëse.
Ndërkohë, pas verifikimit të listëpagesave, tatimet do të ndërmarrin një fushatë kontrollesh të detajuara nga zyra dhe fizike, për të gjitha ato biznese që nuk kanë reaguar ndaj thirrjes së bërë për deklarimin real. Pak ditë më parë, Ministrja e Financave, Delina Ibrahimaj sqaroi se cila do të jetë procedura e mëtejshme që do të ndiqet.
Por ekspertët e ekonomisë janë të mendimit se kjo metodë nuk funksion dhe se koha që i është lënë bizneseve në dispozicion është shumë e shkurtër për të reaguar pasi përkthehet në një pranim të hapur të evazionit për këto subjekte.
Gjatë vitit që lam pas, janë dërguar 3883 letra te personalizuara tek tatimpaguesit për deklarimin e pagës reale dhe nga monitorimi i kryer për reagimin e tyre është vënë re një rritje vetëm me 2% të numrit të punonjësve dhe me të njëjtën normë të vendeve të punës.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.