Ministri Peleshi konfirmon miratimin e 2 projektvendimeve: Teknologjitë me përdorim të dyfishte dhe nxitjen e vullnetarizmin
Ministri i Mbrojtjes, Niko Peleshi njoftoi sot se qeveria ka miratuar sot dy projektvendime, ku i pari lidhet me përditësimin e listës së artikujve dhe teknologjive me përdorim të dyfishtë, ndërsa i dyti synon të nxisë vullnetarizmin, duke i siguruar transport, akomodim, ushqim, po edhe një pagesë më dinjitoze.
Në fjalën e tij ministri u shpreh se përditësimi i listës së artikujve dhe teknologjive me përdorim të dyfishtë, që kanë riskun e përdorimit për qëllime të ndryshme nga ato primaret që janë të ekspozueshme është një detyrim që buron nga BE për përafrimin e legjislacionit, por nga ana tjetër shërben edhe për të rritur sigurinë tonë kombëtare.
Sipas tij projektvendimi i dytë që lidhet me nxitjen e vullnetarizmin ka të bëjë me ata dhjetëra dhe qindra vullnetarë që na bashkohen në përpjekjet tona jo vetëm nën fushën e sigurisë kombëtare dhe mbrojtjes, por edhe përballja me fatkeqësitë natyrore me emergjencat civile.
Peleshi informoi se vendi ka nevojë gjithmonë për vullnetarë, por me këtë vendim qeveria i jep mundësi institucioneve që t’i trajtojnë me dinjitet vullnetarët duke i ofruar transport, akomodim, ushqim, po edhe me një pagesë dinjitoze të gjithë ata që përfshihen në aksionet tona të përbashkëta.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.