Ndihmë për biznesin e vogël dhe të mesëm – Hapet fondi i investimit dhe Financimit të Turizmit në Shqipëri. Suedia dhe USAID akordojnë mbi 1.2 mln USD
Suedia së bashku me USAID-in dhe Center for Economic and Business Education (CEBE Albania) po zbatojnë një projekt prej 1,250,000 USD, për hapjen e Fondit të Investimit dhe Financimin e Turizmit në Shqipëri. Fondi do të ofrojë kapital dhe ndihmë teknike për SME-të (Biznesin e Vogël dhe të Mesëm) të cilat veprojnë në sektorin e turizmit në Shqipëri.
Përpjekjet do të përqendrohen në komunitetet e agroturizmit dhe të ekoturizmit në zonat rurale, bregdetare, natyrore dhe ato të mbrojtura.
Ky është një nga pesë projektet e Suedisë me USAID-in për turizmin e qëndrueshëm në vend. Lajmi u dha në një postim në rrjetin social Facebook, nga Ambasada e Suedisë ku më tej thuhet:
“Sektori i turizmit në Shqipëri ka një potencial ekonomik të jashtëzakonshëm të pashfrytëzuar. Megjithatë, shumë biznese të vegjël dhe të mesëm në industrinë e turizmit përballen me vështirësi për të marrë nga bankat kapital të përballueshëm. Kjo do të thotë se, shpesh ata nuk financohen dhe për këtë arsye kanë potenciale të kufizuara për rritje.
Për këtë arsye, Suedia së bashku me USAID-in dhe Center for Economic and Business Education (CEBE Albania) po zbatojnë një projekt prej 1,250,000 USD, i cili do të hapë Fondin për Investimin dhe Financimin e Turizmit në Shqipëri. Fondi do të ofrojë kapital dhe ndihmë teknike për SME-të (Biznesin e Vogël dhe të Mesëm) të cilat veprojnë në sektorin e turizmit në Shqipëri. Përpjekjet do të përqendrohen në komunitetet e agroturizmit dhe të ekoturizmit në zonat rurale, bregdetare, natyrore dhe ato të mbrojtura”, thuhet në postim.
Një nga pesë projektet e Suedisë me USAID-in për turizmin e qëndrueshëm: Sektori i turizmit në Shqipëri ka një…
Posted by Embassy of Sweden in Tirana on Monday, August 21, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.