Ndjekje penale gjyqtarëve të shkarkuar dhe dorëhequr – Komiteti i Helsinkit: 286 largime nga sistemi, vetëm 23 procedime nga prokuroritë

Komiteti Shqiptar i Helsinkit ka analizuar të hënën ecurinë e deritanishme të procesit të Vetting-ut të gjyqtarëve e prokurorëve, duke nënvizuar se në shumë pak raste, shkarkimi apo dorëheqja e tyre është shoqëruar me procedime të mëtejshme penale. Kreu i këtij Komiteti, Erinda Skëndaj tha se deri tani numërohen 184 shkarkime nga Komisionet e Vetting-ut dhe 84 doreheqje, por nga Prokuroritë në gjithë vendin janë kryer vetem 23 procedime penale.

E pranishme në takim, Kreu i Komisionit Parlamentar të Ligjeve Klotilda Bushka tha se Vetting-u është një process mjaft delikat dhe kycc për reformën në drejtësi. Ajo justifikoi zgjatjen e mandateve të Komisioneve të Vetting-ut me nevojën për trajtimin si të barabartë para ligjit të gjithë trupës së magjistratëve në vend, ndërkohë që ndryshimi i organeve që e kryejnë këtë process, do sillte edhe ndryshimin e rolit të ONM-së.

Deklaratat u bënë këtë të hënë gjatë paraqitjes së gjtjeve kycce dhe rekomandimeve të dokumentit të politikave “VETTINGU NË OPTIKËN E KOMITETIT SHQIPTAR TË HELSINKIT NË KUADËR TË INTEGRIMIT EUROPIAN”.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.