Nëse ktheni vazhdimisht produktet, Amazon mund t’ju ndalojë aksesin për të porositur
Nëse keni ndërmend të blini produkte në Amazon, mendohuni dy herë përpara se ta porosisni diçka pasi Amazon po ndalon shumë konsumatorë të kthejnë produkte.
Sipas Ëall Street Journal, shitësit online nuk kanë një politikë kthimi shumë bujare ashtu si të gjithë besojnë.
Psh konsumatorët të cilët shpesh kanë raportuar “Një numër të shumtë problemesh” mund të mos kenë më akses të bëjnë blerje në Amazon.
Sjelljet që mund të shkaktojnë ndalimin përfshijnë kthimin e artikullit të gabuar ose sendeve që duken si të përdorura, kthimin e mjeteve teknologjike si televizorë ose kompjuter, apo vendosjen e komenteve të produkteve në shkëmbim të kompensimit.
“Ne duam që të gjithë të jenë në gjendje të përdorin Amazon, por ka raste të rralla ku dikush abuzon shërbimin tonë për një periudhë të zgjatur kohe”, tha një zëdhënëse e kompanisë.
“Kurrë nuk marrim këto vendime lehtë, por me mbi 300 milionë klientë në mbarë botën, ne ndërmarrim veprime kur është e përshtatshme për të mbrojtur përvojën për të gjithë klientët tanë”, u shpreh ajo.
Shitësi në internet shtoi se konsumatorët që besojnë se janë ndaluar gabimisht, mund të apelojnë që kompania të rishikojë rastin.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.