Një gjeneral në krye të Ministrisë së Brendshme! Profili i kandidatit të propozuar nga kryeministri

Pas dorëheqjes, kryeministri ka propozuar si ministër të Brendshëm një gjeneral brigade, Sandër Lleshin. Ky i fundit mbante më parë detyrën e këshilltarit të sigurisë pranë kryeministrit ndërsa më herët ka qenë një ndër kandidaturat e diskutuara për postin e Presidentit të vendit.

Më herët, ai ka mbajtur postin e zëvëndës-shefit të Shtabit të Përgjithshëm të Forcave të Armatosura të Shqipërisë. Në periudhën 1996- 2000, ka qenë komandant i Kurseve në Akademinë e Mbrojtjes në Tiranë dhe më pas, komandant i Akademisë Ushtarake “Skënderbej”. Në vitet 2003-2006 ka shërbyer si atashe i Mbrojtjes i Republikës së Shqipërisë në Gjermani.

Në periudhën 1978-1985 ka kryer shkollën e Mesme Ushtarake “Skënderbej” dhe Akademinë Ushtarake dhe ka marrë pjesë në një serë trajnimesh ndërkombëtare për cështje të sigurisë.

Pas propozimit të kryeministrit, për të marrë detyrën kandidatura duhet të miratohet nga Presidenti dhe votohet nga parlamenti.

Lexo edhe: http://www.scan-tv.com/jep-doreheqjen-ministri-i-brendshem-fatmir-xhafaj-ja-kush-e-zevendeson/

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.