Njoftim i rëndësishëm/ Rama: Bizneset e mallrave dhe mediat të akreditohen në Drejtorinë e Policisë që të lëvizin gjatë ‘shtet-rrethimit”
Bizneset që kryejnë shërbime transporti dhe furnizimi me mallra ushqimore apo farmaceutike në perimetrin Tiranë-Durrës duhet të akreditojnë automjetet e transportit të punonëjsve të tyre. Kjo u njoftua nga kryeministri Edi Rama, sipas të cilit, jo vetëm automjetet por edhe emrat e punonjësve duhet të akreditohen në Drejtorinë e Përgjithshme të Policisësë Shtetit.
Kjo masë vjen pas vendimit për të pezulluar qarkullimin e çdo mjeti, me përjashtim të autoambulancave dhe atyre të furnizimit ushqimor, në perimetrin Tiranë-Durrës duke nisur nga dita e premte në orën 06:00 deri të dielen në mesnatë.
Ndërkohë, për të kryer shërbimet e tyre informative gjatë “shtet-rrethimit” të fundjavës brenda perimetrit, mediat televizive duhet të akreditojnë automjetet e trupave të tyre pranë drejtorisë së policisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.