Nuk ka magjistratë për kryetarë gjykatash! – KLGJ “sajon” zgjidhjen emergjente të radhës: Hiqet kriteri i vjetërsisë për kandidatët
Ndërsa gjykatat boshatisen gjithnjë e më shumë nga procesi I Vetting-ut dhe po vihet në zbatim projekti për grupimin e tyre, Këshilli I Lartë Gjyqësor është përpara një emergjence të re: Mungesës së zëvendëskryetarëve të gjykatave, të cilët prej kohësh në një pjesë shumë të madhe gjykatash mbulojnë kompetencat e kryetarit. Duket se në disa gjykata mungojnë jo vetëm kandidatët që plotësojnë kushtet ligjore për të mbuluar këtë detyrë, por edhe të gjyqtarëve që duhet t’i zgjedhin. Shkak për të cilin Këshilli I Lartë Gjyqësor ka bërë “arnimin” e radhës në “Rregulloren për zgjedhjen e zëvendëskryetarëve të gjykatave”.
Bëhet fjalë për ndërhyrje në katër nene të rregullores, e cila anashkalon kushtin që zëvendëskryetari të votohet nga dy të tretat e gjyqtarëve, por mjafton shumica e votive
Neni 7, pika 2, ndryshohet si më poshtë: “2. Në rastet kur nuk konkurrojnë kandidatë që plotësojnë kriterin e përvojës minimale profesionale ose kur asnjë nga gjyqtarët e gjykatës nuk e ka këtë përvojë, zëvendëskryetari i gjykatës zgjidhet ndërmjet gjyqtarëve të tjerë, që ushtrojnë funksionin në atë gjykatë, për një mandat njëvjeçar me të drejtë rizgjedhjeje.”.
Ndërkohë që ndryshimi tjetër përcakton që përjashtimisht, deri në përfundimin e procesit të rivlerësimit kalimtar të gjyqtarëve dhe prokurorëve sipas ligjit, kandidati për zëvendëskryetar të gjykatës së shkallës së parë duhet të ketë të paktën tre vjet përvojë profesionale si gjyqtar, ndërsa kandidati për zëvendëskryetar të gjykatës së apelit duhet të ketë të paktën tre vjet përvojë profesionale si gjyqtar i gjykatës së apelit.”
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.