Paga minimale ndër vite – Në 2021-shin do të kishim rritjen e 18-të që prej 1995-ës
Në rast se paga minimale do të ngjitet në 30 mijë lekë vitin e ardhshëm, ashtu siç deklaroi kryeministri Edi Rama, atëherë ajo do të ishte rritja e 18-të që prej vitit 1995.
Në harkun e 25 viteve, rritja e pagës minimale ka qenë progresive. Deri në vitin 2005 rritja e pagës minimale ka qenë e dobët.
Pas vitit 2005 është futur një standard i ri, me rritje të paktën 2 mijë lekë, paçka se jo çdo vit. Në 2007-ën, 2012-ën dhe periudhën 2013-2017, si dhe në 2019-ën, nuk ka pasur asnjë rritje të këtij indikatori.
Në rast se në 2021-shin do të kemi një rritje të re, atëherë do të kemi edhe vendosjen e një standardi të ri; rritjen për herë të parë të pagës minimale me 4 mijë lekë.
Ky indikator, pra vendosja e një page dysheme por edhe rritja e saj progresive ndër vite, është një element që sjell përfitime të mëdha në ekonomi në tërësi.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.