Paketa fiskale 2020 – Shalsi: Planifikojmë të shkojmë me të njëjtin sistem taksash

Pas planeve për paketa fiskale 3-5 vjeçare, qeveria po synon që aplikimi të nisë që prej vitit që vjen, duke synuar nivel të pandryshuar taksash.  Lajmi bëhet me dije nga ministri i Shtetit për Mbrojtjen e Sipërmarrjes, Eduard Shalsi, I cili  gjatë një prononcimi dhënë për TV SCAN shton se edhe në rast ndryshimesh, ato do të jenë të vogla dhe nuk do të impaktojnë biznesin.

Shalsi përforcon deklaratat e bëra nga ministrja e Financave dhe Ekonomisë, Anila Denaj për paketa fiskale 3 deri 5 vjeçare.

Ndryshimi i shpeshtë i legjislacionit, por edhe taksave është një nga shqetësimet e vazhdueshme të biznesit, të cilët jo pak herë kanë kërkuar që këto ndryshime të mos jenë të përvitshme.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.