Parashikimi javor i motit/ SHMU: Kushte të paqëndrueshme atmosferike, shtrëngata, breshër dhe shkarkesa elektrike deri në fundjavë

Shërbimi Meteorologjik Ushtarak njofton se edhe pse tashmë kemi hyrë në stinën e verës parashikimi i motit thotë të kundërtën pasi java që presim përpara do të jetë e paqëndrueshme dhe karakteristikë të saj do të ketë reshjet në formë rrebeshesh dhe shtrëngatash nga orët e mesditës deri ato të pasdites.

Sipas njoftimit më konkretisht java nis me ditën e Hënë ku moti parashikohet kryesisht i vranët por edhe intervale me diell dhe reshje shiu me intensitet të ulët në orët e mëngjesit dhe nga orët e mesditës deri pasdite me intensitet mesatar të cilat do të jenë në formën e shtrëngatave dhe rrebesheve shoqëruar me breshër dhe shkarkesa elektrike.

SHMU njofton se dita e Martë dhe ajo e Mërkurë do të vijoj me motin kryesisht të vranët dhe reshje shiu të herëpashershme me intensitet të dobët, por nga orët e mesditës deri ato të pasdites reshjet me intensitet mesatar në formën e rrebesheve.

Ndërkaq sipas informacionit të publikuar për ditën e Enjte dhe ajo e Premte mëngjeset dhe darkat do të jenë me kthjellime ndërsa orët e mesditës deri ato të pasdites reshje shiu me intensitet deri mesatar në formën e rrebesheve shoqëruar me shkarkesa elektrike dhe breshër.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.