Pasojat ekonomike të luftës Rusi-Ukrainë që mund të përballet Shqipëria – Ibrahimaj: Nuk konstatohen rreziqe të shtuara!

Në vijim të përshkallëzimit të konfliktit Ukrainë-Rusi ministrja e Financave dhe Ekonomisë së vendit Delina Ibrahimaj njoftoi se është organizuar një takim i përbashkët me Bankën e Shqipërisë, ku u diskutua  mbi rreziqet e mundshme, me të cilat mund të përballet ekonomia shqiptare.

Sipas informacionit të publikuar nga vlerësimet e deritanishme të faktorëve makroekonomik, tregtar, financiar, bankar, si dhe nga kontaktet me bizneset dhe bankat, nuk konstatohen rreziqe të shtuara, për shkak të ekspozimit të ulët që ka ekonomia ndaj vendeve në konflikt.

“Do të vijojmë monitorimin e kujdesshëm të situatës, për të parandaluar dhe minimizuar çdo efekt negativ, që mund të prek sektorët kryesorë të ekonomisë shqiptare. Do të kujdesemi që të mos ketë mungesë oferte në treg për grurin dhe nënproduktet e tij”, u shpreh Ibrahimaj.

E . S  / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.