PD denoncon rritjen e taksave – Tabaku: Bizneset do të paguajnë 230 mijë lekë më shumë

Bizneset  denoncojnë rritjen abuzive të taksave e cila sivjet do t’i kushtojë xhepave të çdo biznesi 230 mijë lek më shumë se sa tre vitet e marra së bashku.

Vetëm taksa e pronës është rritur 2 deri 4 fish më shumë sesa një vit më parë.

Nënkryetarja e Komisionit Parlamentar të Ekonomisë publikon  në rrjetin social Facebook dy fatura të një  biznesi që dëshmojnë për rritje të taksave .

Tabaku shkruan se kur Rama thotë që ka ulur taksat në fakt i ka rritur ato, kur thotë që punon për shqiptarë në fakt do të thotë se punon për bizneset e qeverisë, kur thotë që ka shpenzuar për shqiptarët në fakt ka shpenzuar për luksin e tij.

Jo rastësisht mbi 100 mijë biznese janë mbyllur, 500 mijë shqiptarë largohen sepse nuk ka punë, 1 milionë të tjerë aplikojnë për në SHBA sepse nuk ka shpresë.

Taksat e rritura sot kapin vlerë e  5 miliardë USD në total, i paguajnë bizneset dhe shqiptarët  për qejfet dhe luksin e rilindjes.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.