Pension i veçantë për të prekurit e tërmetit! Akti normativ/ 60-100 mijë lekë në muaj për gjithë jetën
Përmes një akti normativ, qeveria ka marrë masa për trajtim të veçantë financiar dhe të përjetshëm për personat që kanë humbur familjarë si pasojë e tërmetit të 26 Nëntorit. Konkretisht, “Pensionistët, që kanë humbur pjesëtarë të familjes si pasojë e fatkeqësisë natyrore të shkaktuar nga tërmeti i datës 26.11.2019, përfitojnë trajtim të veçantë financiar deri në masën e tetëfish të pensionit social, apo afro 60 mijë lekë në muaj.
Ndërsa personat, që kanë humbur të gjithë pjesëtarët e familjes, përfitojnë deri në masën e trembëdhjetëfishit të pensionit social, apo afro 100 mijë lekë në muaj. Sipas aktit normativ, për një shtesë në ligjin për sigurimet shoqërore në Republikën e Shqipërisë, në rastin kur pensionistët, kanë humbur të gjithë pjesëtarët e familjes, përfitojnë vetëm trajtimin në masën e afro 100 mijë lekë, sikurse personat e tjerë.
Referuar relacionit, me këtë shtesë realizohet qëllimi për t’i dhënë një ndihmë me karakter të përhershëm këtyre individëve dhe nuk ngatërrohet me skemën e pensionit duke mos e prekur atë dhe njëkohësisht i lejohet të punojë dhe të kontribuojë për pensionet nga skema e detyrueshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.