Pinterest arrin 200 milion përdorues aktivë në muaj

Pinterest njoftoi ditën e sotme ka 200 milion përdorues aktivë në muaj. Kompania arriti 100 milion përdorues dy vite më parë dhe 150 milion vitin e kaluar.

Para 6 muajsh kompania kishte 175 milion përdorues që do të thotë se rrjeti social po rritet me një ritëm prej 50 milion çdo vit, raporton PcWorld.

Edhe pse kjo rritje duket e vogël përballë platformave si Facebook dhe Instagram, ritmi është impresionues duke patur parasysh se ka vetëm 7 vite që nga themelimi.

Investimi i  Qershorit prej  1.5 miliard dollarësh duke vlerësuar kompaninë me 12 miliardë dollar.

Në 2017-ën është parashikuar që Pinterest të arrijë 500 milion dollar të ardhura nga reklamimi.

Mëse gjysma e përdoruesve jetojnë jashtë Shteteve të Bashkuara sipas kompanisë. Pinterest premtoi së shpejti disa veçori të reja në platformë.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.