“Pop.Up Next” – Taksia autonome fluturuese që pritet revolucionarizojë mënyrën e transportit

Tashmë nuk do të keni pse të shqetësoheni më për trafikun e rënduar apo pse nuk dispononi një makinë. Projekti më i ri i  Audi në bashkëpunim me Italdesign dhe Airbus do të sjellë një veturë autonome e cila ka mundësinë të udhëtojë si në tokë ashtu edhe në qiell.

Së bashku, kompanitë prezantuan konceptin Pop.Up Next në garën ndërkombëtare të automobilave në Gjenevë të 2018 këtë javë, një evolucion i konceptit Pop.Up zbuluar nga Airbus dhe Italdesign një vit më parë.

‘Pop.Up Next’ është konsideruar si taksia fluturuese e së ardhmes pasi teknologjia e avancuar që ajo ka mundëson si udhëtimin në tokë ashtu edhe atë në ajër.

Ajo ka formën e një kapsule, e ndërtuar me dy vende.

Paralelisht, Audi, Airbus dhe Italdesign vazhdojnë të përsosin dizajnin, duke e bërë më të lehtë dhe më efikas.

‘Pop.Up Next’ pritet të dalë të nisë udhëtimet e saj në vitin 2024  pasi sfida më e madhe qëndron te sistemi i lidhjes së makinës dhe aftësitë e droni.

Modulet e makinave dhe fluturimit kërkojnë sisteme shumë të ndryshme operimi dhe sigurie, dhe kur kjo makinë të dalë në treg, ajo duhet të jetë në gjendje të funksionojë në të dyja mënyrat e transportit pa ndërprerje.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.