Presidenti Meta përkrah këshilltarit bashkiak të New York: “7 ekspertë amerikanë do të verifikojnë shkollat”
Presidenti Ilir Meta ka informuar se ditën e sotme është vizituar nga Mark Gjonaj, këshilltar në Këshillin Bashkiak të Nju Jork dhe përfaqësues të diasporës shqiptare në SHBA.
Bashkë me të kanë ardhur edhe 7 ekspertë nga Amerika të cilët do të bëjnë inspektimin e shkollave.
“Takim vëllazëror me Mark Gjonaj, Këshilltar në Këshillin Bashkiak të Nju Jork dhe përfaqësues të diasporës shqiptare në SHBA.
Së bashku me Markun, për të na ndihmuar në këto momente të vështira, janë edhe 7 ekspertë nga Amerika, që do të merren në terren me inspektimin e të gjitha shkollave të zonës së prekur nga tërmeti dhe vlerësimin e dëmtimeve të tyre.
Falënderim nga zemra dhe mirënjohje për vëllezërit dhe motrat në SHBA, si dhe për popullin dhe administratën amerikane, që po na gjenden afër në këto momente të vështira”, ka shkruar Meta në statusin e tij.
Ambasada Amerikane më herët gjatë kësaj dite ka njoftuar gjithashtu edhe se ekspertë të tjerë nga USAID kanë ardhur në Shqipëri për të kryer verfikime në ndërtesat e prekura nga tërmeti dhe për të verifikuar ndihmat që nevojiten:
“Qeveria e Shteteve të Bashkuara vijon të punojë në mbështetje të përpjekjeve humanitare pas tërmetit” – shkruhej më tej ën njoftimin e Ambasadës.
Posted by Ilir Meta on Sunday, December 1, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.