Priten reshje në të gjithë vendin/ ARRSH: Kontraktorët në gatishmëri! Akset ku duhet të qarkullohet me zinxhirë

Në të gjithë vendin gjatë ditës së sotme priten reshje. Autoriteti Rrugor Shqiptar njofton se të gjithë kontraktorët për mirëmbajtjen e rrugëve kanë qenë dhe janë në gatishmëri për t’iu përgjigjur problematikave që mund të vijnë. Ndërkohë, Autoriteti Rrugor Shqiptar bën të ditur se cila është situata e akseve rrugore.

Referuar ARRSH, në Rajonin Jugor Gjirokastër: Në Qarkun e Korçës, rreth orës 4 të mëngjesit kanë filluar reshje bore me intensitet. Trashësia e borës shkon 5-15 cm. Po punohet pa ndërprerje nga kontraktorët e mirëmbajtjes për pastrimin e akseve.

Në Qarkun Gjirokastër qarkullimi kryhet normalisht në të gjitha akset. Vetëm në pjesën fundore të rrugës Erind-Çajup, rreth 5 km, rekomandohet përdorimi i zinxhirëve.

Në Qarkun e Korçës qarkullohet me zinxhir në:

K/Boboshticë-Dardhë

Voskop-Voskopojë

Qafë Qarri-Ersekë, zona e Qafës së Qarrit

Në Rajonin Qendror Tiranë: Ka reshje shiu në të gjithë Rajonin. Në lartësi ka pasur reshje bore, si në Sarisalltik, Qafë Priskë, Gjinar, Steblevë.

Rekomandohet përdorimi i zinxhirëve vetëm në pjesën fundore të rrugës Krujë-Sarisalltik.

Në Rajonin Verior Shkodër: Gjatë natës ka pasur reshje shiu në të gjithë rajonin dhe në lartësi ka pasur reshje bore. Kontraktorët kanë vazhduar punën për pastrimin e akseve dhe po mbajnë në monitorim të vazhdueshëm segmentet ku ka prezencë ngricash.

Qarkullohet me zinxhir, ose pjesërisht me zinxhir në rrugët:

Qafë Dragalicë-Klenjë-Steblevë, 15-17 km.

Kryqëzim Domaj-Draj Reç

Trebisht-Doganë

ARRSH rekomandon përdoruesit e rrugës, që të bëjnë kujdes në lëvizje, sidomos gjatë orëve te para te mëngjesit dhe gjatë natës për shkak të lagështisë në rrugë, të respektojnë sinjalistikën dhe udhëzimet e Policisë Rrugore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.