Propozimi i Holandës për rikthimi i vizave – Rama: Zero impakt në lëvizjen e qytetarëve shqiptarë
Propozimi i Parlamentit Holandez për rikthimin e vizave të shtetasve shqiptare do të ketë zero impakt në lëvizjen e lirë të tyre. Deklarata ka ardhur nga kryeministri Edi Rama gjatë seancës plenare të së enjtes, duke e cilësuar këtë nismë një linjë të brendshme e cila është përcaktuar për interesa të brendshëm.
“Kjo është një linjë e brendshme, që ka përcaktuar një vendim për interesa të brendshme që nuk impakton në asnjë mënyrë lëvizjen e lirë të shtetasve shqiptarë. Zero”, u shpreh Rama.
Ndërkohë, ka shpjeguar më tej edhe procedurën që do të ndiqet më tej më tej me këtë çështje, duke shtuar se duhet të garantohet një shumicë e cilësuar për miratimin e këtij propozimi.
“Ka një nen të veçantë në rregulloren e funksionimit që s’është përdorur kurrë, që është shumica e cilësuar e vendeve të BE në rast se ka një reagim të veçantë. Nëse garantohet e cilësuar, gjë që s’është përdorur kurrë për të pranuar këtë procedurë atëherë i çohet Parlamentit Europian. Pra është një rrugëtim i gjatë,mjafton të njohësh procedurën.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.