Pse u mbyll papritur ambasada shqiptare në Athinë, deklarata: Një specialist rezultoi me COVID ndërsa sistemi pësoi difekt

Ambasada e Shqipërisë në Athinë është mbyllur në mënyrë të papritur për shkak se një specialist I ambasadës ka rezultuar pozitiv me COVID. Në një njoftim për mediat, ambasada tha se ishte e detyruar që të ndërmarrë masa urgjentedhe ekstreme.

Gjithashtu, në Ambasadën e Republikës së Shqipërisë, sipas deklaratës, sistemi ka pësuar një defekt teknik, për të cilin po punohet për t’u zgjidhur dhe ndërkohë janë marrë masa të menjëhershme për dezinfektimin e të gjitha ambienteve të Ambasadës.

“Për sa më lart, mbetemi në pritje të të gjithë rezultateve të testimeve të kryera për Covid-19, të cilave konsujt dhe punonjësit e Ambasadës së Republikës së Shqipërisë në Athinë i janë nënshtruar, për t’ju rikthyer shërbimit sa më shpejt dhe të sigurt. Lutemi të mos paraqiteni pranë Ambasadës Shqiptare në Athinë dhe të respektoni këtë njoftim duke mbrojtur në këtë mënyrë veten dhe të afërmit tuaj. Takimi i gjithësecilit do të spostohet në momentin më të afërt dhe të sigurtë” njofton Ambasada.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.