Publikohen imazhe të iPhone 8 – Fotografitë tregojnë një telefon të shëmtuar
Edhe pse nuk kemi asnjë ide sesi Apple iPhone 8 do të ngjajë apo sa telefona do të prezantohen, çdo ditë që afron më debutimin e telefonit shoqërohet nga spekulime rreth asaj se çfarë Apple do të sjellë në 10 vjetorin e iPhone.
Disa imazhe të publikuara nga iPhoneros, një site Kinez i teknologjisë, ofrojnë pamjen më të qartë të dizajnit të supozuar të iPhone 8.
Ato tregojnë një skaner të shenjave të gishtërinjve vendosur në kapakun e pasëm të telefonit ngjitur me logon e Apple. Ka patur paqartësi të vazhdueshme rreth vendodhje së skanerit të shenjave të gishtërinjve me disa spekulime të cilat sugjeronin se do të integrohej brenda ekranit.
Sipas Pcworld, disa argumentojë se ky dizajn i cili në pamje të parë duket i përshtatur për skanerin e shenjave të gishtërinjve në të vërtetë është për ngarkimin wireless.
Sa i përket legjitimitetit të fotove, sajti Kinez thotë se i ka përvetësuar nga një burim i cili në të kaluarën ka qenë i saktë me informacionet e ofruara.
Por ky mund të jetë vetëm një prej dizajneve të testuara nga Apple dhe shpresojmë që të jetë i tillë.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.