Pyetësor për biznesin – Drejtoria e Përgjithshme e Doganave: Ndihmon në përmirësimin e vazhdueshëm të shërbimeve
Nëpërmjet një njoftimi të publikuar në faqen zyrtare Drejtoria e Përgjithshsme e Doganave ka njoftuar mbi pyetësorin e ri për biznesin.
Drejtoria e Përgjithshme e Doganave bashkëpunoi në mënyrë efektive me biznesin dhe gjatë vitit 2021 ka përmirësuar përformancën në drejtim të rritjes së shërbimeve online për autorizime, përjashtime dhe lehtësira për bizneset, eduktimit të kohës së procesimit të deklaratave import4 gjatë vitit 2021, rritjes së përdorimit të transaksionit me mbi 96 % të deklaratave, krahasuar me metodat e tjera si dhe autorizimin e 8 Operatorëve Ekonomikë të Autorizuar që përfitojnë lehtësira në tregti.
Administrata Doganore bën me dije se mbetet e hapur për rekomandimet e sipërmarrjes lidhur me përmirësimin e vazhdueshëm të shërbimeve doganore ndaj dhe i drejtohet Biznesit me këtë Pyetësor.
Analizimi i rezultateve të Pyetësorit në tryeza diskutimi të përbashkëta do t’i shërbejë angazhimit të Administratës Doganore për vijimin e përmirësimeve të shërbimeve ndaj biznesit si nëpërmjet digjitalizimit, reduktimit të kohës së procedurave doganore dhe zgjidhjes së problematikës së mundshme që do të evidentohet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.