Qeveria i shton 100 milionë lekë Ministrisë së Brendshme. Do të përdoren për përshtatjen e mjediseve të SPAK dhe Byronë Kombëtare të Hetimit

Këshilli i Ministrave ka miratuar vendimin për një shtesë fondi prej 100 milionë lekësh për Ministrinë e Brendshme.

Ky fond do të përdoret për përshtatjen e mjediseve të punës për Prokurorinë e Posaçme të Luftës kundër Korrupsionit dhe Krimit të Organizuar dhe Byronë Kombëtare të Hetimit si dhe për sigurimin e mjeteve e të pajisjeve të nevojshme për funksionimin e tyre.

Ky fond përballohet nga fondi rezervë i institucioneve të reja të sistemit të drejtësisë, për vitin 2019.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.