Rama apel shqiptarëve të Maqedonisë së Veriut: Asnjë nga ju nuk duhet të mungojë në regjistrimin e ri të popullsisë
Nëpërmjet një njoftimi të publikuar në faqen zyrtare kryeministri Edi Rama ka folur për procesin e regjistrimit të ri të popullsisë në republikën e Maqedonisë së Veriut.
“Sot është një nga ato momente të jetës suaj si qytetarë të Republikës së Maqedonisë së Veriut kur askush prej jush, asnjë i vetëm, kudo qoftë me banim në ketë botë dhe çfarëdo qofshin punët dhe hallet që kanë, nuk duhet të mungojë në regjistrimin e ri të popullsisë së shtetit të Maqedonisë së veriut”, u shpreh Rama.
“Ky regjistrim bëhet pas shumë vitesh sepse afati i mëparshëm u hoq qëllimisht nga ata që nuk donin t’ju numëronin dhe që nuk kanë dy gurë bashkë për ta lënduar kauzën e identitetit shqiptar në atë shtet’.
“Ju e dini më mirë se kushdo, dhe kush prej jush nuk e di duhet ta mësoj se nga numri i regjistruar i shqiptareve në Republikën e Maqedonisë së Veriut varet fuqia kushtetuese e popullit shqiptar të asaj republike mbi pjesëmarrjen dhe mbi vendimmarrjen në punët e atij shteti, tha Rama.
“Nuk ju kërkohet as të dilni nga shtëpia por vetëm të harxhoni 5 minuta për të hyrë nga kompjuteri apo nga telefoni juaj dhe për të klikuar në adresën census.stat.gov.mk”, njoftoi kryeministri.
“Nëse ju do ta humbni këtë betejë kaq të vogël, vetëm 5 minuta, nesër kostoja e kësaj humbje për gjithë popullsinë shqiptare në shtëpinë e shtetit maqedonas do të jetë shumë më e madhe”, përfundoi ai.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.