Regjistrimi në organet tatimore – DPT: 96.4% niveli i përmbushjes në 2018, kryeson sektori i ndërtimit
96.4% është niveli i përmbushjes në rang ndërkombëtar për vitin 2018 sa i takon regjistrimit në organet tatimore. Shifra është bërë publike nga Drejtoria e Përgjithshme e Tatimeve, e cila ka publikuar statistikat sipas sektorëve për vitin e kaluar.
Nga të dhënat e DPT-së, sa i takon këtij treguesit, ndërgjegjësimi më i madh është parë në sektorin e ndërtimit, ku niveli i përmbushjes për regjistrimin përllogaritet 99.8%, ndjekur nga ai i Transportit me 98.6%. Ndërkohë, në sektorin e prodhimit kjo shifër është 98.2% në rang kombëtar gjatë vitit 2018.
Sa i takon sektorit të tregtisë dhe atij të shërbimit, nga të dhënat e DPT-së, rezulton se në 2018 niveli i përmbushjes përllogaritet respektivisht 96.2% dhe 95.9%.
Ndërkohë, Administratat tatimore sjell në vëmendje të tatimpaguesve që të përmbushin detyrimet ligjore brenda afateve të përcaktuara për të shmangur penalizimet.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.