Rënia e shitjeve te kinezët, “Burberry” fajëson kursin e këmbimit në Mbretërinë e Bashkuar
Shtëpia e modës luksoze thotë se kurset më të larta të këmbimit po pengojnë turistët kinezë. “Burberry’ ka paralajmëruar shitjet në rënie në Britaninë e Madhe duke thënë se rritja e fuqisë së paundit i pengon turistët kinezë.
Shtëpia e modës luksoze, e njohur për motivin e saj të veçantë të kontrollit shënoi të ardhura prej 479 milion paund në 13 javë deri në 30 qershor, krahasuar me 478 milionë të një viti më parë. Shitjet e të njëjtit dyqan u rritën me 3%, duke rënë kështu nga rritja prej 4% e raportuar vitin e kaluar.
Shitjet ranë me “një përqindje të ulët shifre” në Britani dhe në Europë për shkak të kërkesës më të ulët të turizmit. Stërlina është forcuar gjatë vitit të kaluar, duke e bërë Mbretërinë e Bashkuar një destinacion më pak tërheqës për blerësit. Paundi tregtohej me rreth 1.41 dollarë në fillim të prillit, krahasuar me 1.24 dollarë një vit më parë.
Julie Broën, zyrtari kryesor operativ dhe financiar i firmës, tha: “Ne patëm shumë më pak turistë kinezë që vinin në Britani dhe në Europë. Ata ishin duke blerë më shumë në Azi. ”
Ajo tha se konsumatorët kinezë ishin shumë të ndjeshëm ndaj lëvizjeve të monedhës. Rënia e mprehtë e paundit dy vite më parë pas votimit të Brexit, joshi më shumë turistë kinezë në Britani, por kur paundi filloi të rritej përsëri shifrat u zvogëluan.
Në vend të kësaj, ata kanë bërë pazar në Hong Kong, Korenë e Jugut, Japoninë dhe Kinën kontinentale, duke rritur shitjet e “Burberry” në Azinë e Paqësorit.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.