Ridimensionimi i Diplomacisë Ekonomike, Rama: Fokusi te tërheqja e investitorëve të huaj
Kryeministri Edi Rama njofton Ridimensionimin e Diplomacisë Ekonomike Shqiptare gjatë takimit me Ambasadorët e Shqipërisë.
“Ridimensionimi i diplomacisë ekonomike nuk është objektiv që mund të përmbushet vetëm nga diplomatët por kërkon koordinim dhe me ministritë që janë të përfshira drejtpërdrejtë në funksion të zhvillimit ekonomik dhe rritjen e investimeve të huaja”, tha Kryeministri.
Gjithashtu gjatë të gjithë fjalimit, Kryeministri e vuri fokusin te turizmi dhe u kërkoi ambasadorëve të tërheqin investitorët e huaj.
“Ka një rritje të madhe të interesit për të investuar në vendin tonë posaçërisht në turizëm, padyshim në sektorin e energjisë dhe të naftës çka ka ndodhur edhe më parë. Besoj ne duhet të fokusohemi te turizmi dhe të ngjallim interes te investitorët e huaj për t’i shfrytëzuar këto potenciale”, tha kryeministri.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.