Roli i ndërmjetësuesve të pasurive/ Zv.Ministrja e Drejtësisë: Do të mbikëqyrin transaksionet e dyshimta, asnjë kosto për qytetarët!

Profesioni i ndërmjetësve të pasurive të paluajtshme për herë të parë do të rregullohet me një ligj të posaçëm, i cili përcakton çdo hallkë të veprimtarisë së tij, që nga trajnimi, te licencimi, e deri te mënyra si do mbikëqyrin tregun e pronave, i cili konsiderohet me risk të lartë për pastrim parash.

E ftuar në studion e Emisionit Vetting.Al, Zëvendësministrja e Drejtësisë Adea Pirdeni thotë se këta profesionistë do jenë një hallkë shtesë në evdidentimin dhe raportimin e rasteve të dyshimta në tregun e pasurive të paluajtshme, por se nuk do sjellin asnjë kosto shtesë për qytetarët e bizneset.

Ligji për Ndërmjetësit e Pasurive të Paluajtshme u miratua këtë javë në Kuvend, dhe pritet të hyjë në fuqi menjëherë pas publikimit në fletoren zyrtare.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.