Rritja e pensioneve për 730 mijë të moshuar- Përllogaritja, sa do të jetë shtesa për ushtarakët, minatorët e pensionistët e tjerë

Sipas vendimit të qeverisë, rreth 730 mijë pensionistë në mbarë vendin përfitojnë rritje pensioni me 2.8 %. Janë disa kategori që iu lind e drejta për të marrë një pagesë më të lartë pensioni. Të gjithë ata individë që marrin pension pleqërie, pension invaliditeti, pension familjar dhe pension për nënat me shumë fëmijë përfitojnë këtë indeksim prej 2.8 %.

Rritjen e pensionit e përfitojnë edhe disa skema si: skema e trajtimit financiar të ushtarakëve, skema e ish punonjësve të nëntokës, skema e pensioneve suplementare të punonëjsve të lartë të shtetit, etj.

Gazeta shqiptare ka publikuar për të gjithë të moshuarit masën e shtuar të përrfitimit, bazuar në pagesën aktuale të pensionit.

“Sipas vendimit të qeverisë, shtesa minimale kap shifrën prej 369 lekësh në muaj ndërsa shtesa maksimale arrin në 980 lekë, kjo bazuar në masën e pensionit. Pra sa më e madhe të jetë masa, aq më e lartë është shtesa e përfituar” shkruhet në artikull.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.