Sa të zgjuar janë asistentët “inteligjentë”?
Ekspertë parashikojnë se ndërveprimet tona me pajisjet kompjuterike do të zhvendosen nga teksti drejt komandave zanore në një të ardhme të afërt.
Këto komanda zanore vijnë në telefona si të ashtuquajturit asistentë inteligjentë si Siri, Cortana dhe Google Assistant.
Këto asistentë virtual mund t’ju ndihmojnë të organizoni ditën tuaj, të kontrolloni pajisjet inteligjente në shtëpi dhe tu përgjigjen pyetjeve tuaja në tërësi.
Sipas një hulumtimi të Stone Temple, asistentët inteligjentë mund të mos jenë edhe aq të zgjuar sa pretendohet. Konkretisht Amazon Alexa u përgjigjet vetëm 20.7% të 5,000 pyetjeve të drejtuara.
Vlen të theksohet se Google Assistant dhe Microsoft Cortana ishin shumë më të zgjuara se Alexa.
Ndërkohë që Apple Siri performonte njëlloj si Alexa.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.